ಕೊರಟಗೆರೆ:
ಖಚಿತ ಮಾಹಿತಿಯ ಆಧಾರದ ಮೇಲೆ, ಜೂಜು ಅಡ್ಡೆ ಮೇಲೆ ಪೊಲೀಸರು ಮಿಂಚಿನ ದಾಳಿ ನಡೆಸಿದ ಪೊಲೀಸರು, 15 ಮಂದಿಯನ್ನು ಬಂಧಿಸಿ, 7 ಲಕ್ಷ ಸೇರಿದಂತೆ 4 ಕಾರುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಕೊರಟಗೆರೆ ಬಳಿಯ ನಾಗೇನಹಳ್ಳಿಯ ಸಿ.ಜೆ ಎಲೈಟ್ ರೆಸಾರ್ಟ್ ಮೇಲೆ ದಾಳಿ ನಡೆಸಿದ ಕೊರಟಗೆರೆ ಸಿಪಿಐ, ಸಿದ್ದರಾಮೇಶ್ವರ, ಪಿಎಸ್ಸೈ ನಾಗರಾಜು, ಬಡವನಹಳ್ಳಿ ಇನ್ಸೆಪೆಕ್ಟರ್ ಹನುಮಂತರಾಯಪ್ಪ ನೇತೃತ್ವದಲ್ಲಿ ತಂಡ 7,00,650 ರೂಪಾಯಿ ಹಣ ಹಾಗೂ 4 ಕಾರು, 15 ಮೊಬೈಲ್ ಜಪ್ತಿಮಾಡಿ, ಜೂಜಾಟದಲ್ಲಿ ತೊಡಗಿದ್ದ 15 ಜನ ಆರೋಪಿಗಳು ಪೊಲೀಸರ ವಶಕ್ಕೆ ತೆಗೆದುಕೊಂಡಿದ್ದಾರೆ.
ಬಂಧಿತರು ಬೆಂಗಳೂರು- ತುಮಕೂರು- ಮಧುಗಿರಿ ಮತ್ತು ಕೋಳಾಲ ಮೂಲದ ಜೂಜುಕೋರರು ಎಂದು ಹೇಳಲಾಗಿದೆ.
ದಾಳಿ ಸಂದರ್ಭದಲ್ಲಿ ಮಧುಗಿರಿ ಡಿವೈಎಸ್‍ಪಿ ರಾಮಕೃಷ್ಣ, ಕೊರಟಗೆರೆಯ ಸಿಪಿಐ ಸಿದ್ಧರಾಮೇಶ್ವರ, ಪಿಎಸ್‍ಐ ನಾಗರಾಜು, ಬಡವನಹಳ್ಳಿಯ ಇನ್ಸ್‍ಪೆಕ್ಟರ್ ಹನುಮಂತರಾಯಪ್ಪ, ಸಿಬ್ಬಂದಿ, ಧರ್ಮಪಾಲ್ ನಾಯಕ್ ಶಶಿಕುಮಾರ್, ಸತೀಶ್ ಸೇರಿದಂತೆ ಮಿಂಚಿನ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೊರಟಗೆರೆ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
